Ang kamunggay

In passing, ato na kining nadaklitan paghisgot sa una natong mga lindog, apan karon, medyo atong idetalye aron mahingpit ang atong pagpakisayod bahin sa mga health benefits sa kamunggay, nga giisip nga poor man’s vegetable.

Una sa tanan, ang atong kamunggay nga usa ka backyard plant dinhi sa atong nasud, nakadani sa international attention ug giila nga “superfood” nga rich in antioxidant, nutrients, ug minerals.

Maoy hinungdan nga si Dr. Raffy Barrozo, organic agriculture expert ug board member sa Moringaling Philippines Foundation, Inc. (MPFI), mitambag nga kon duna kitay gamay nga backyard garden nga luna, bisa’g usa o duha ka metro lang, tamni kini’g kamunggay.

Gi-promote kini sa Fidel Castro sa Cuba, sa miaging pito na ka tuig, sa dihang nakita ang mga health benefits gikan niini.

Kita dinhi sa atong nasud, mao na kini ang atong namat-an og kahayag. Mao tingali ang hinungdan nga ato lang kining gi-take for granted.

Ania, for every pound of malunggay, it has seven times more Vitamin C than oranges, three times more potassium than bananas, four times more Vitamin A than carrots, two times more calcium than milk, matud sa MPFI. Unya, nakaminos kita sa kamunggay.

Alang kanatong mga senior citizen nga hingaon og kamunggay, perhaps, wala lang kita masayud nga kanunay natong pagkaon og kamunggay maoy nakatampo pagpataas sa atong kinabuhi … sa atong life span.

Si Barrozo nga usa ka organic farmer mitambag nga: “all houses should have malunggay: two or three plants for their use as vegetables.” Simple kaayo nga tambag, apan dili ni nato mahitabo nato. Ang uban nato nagsalig lang sa silingan nga nananom og kamunggay, ug kon mag-utan man, mamalit lang.

Niining pag-uso sa mga fast food nga kan-anan ug sa mga luho ug mahalon nga mga restaurant, mao ra’g wa na molingi sa kamunggay, ilabi na sa atong mga batan-on nga na-exposed na pag-ayo sa mga langyaw’ng pagkaon. Wa na ni sila makaila’g kamunggay.
Ang kamunggay tree diay wa magkinahanglan og daghang tubig. Gitambag gani nga mas maayong mananom niini panahon sa ting-init … “summer when rain is scarce. If taken care of properly,” matud ni Barrozo, the tree can live up to a hundred years. Sa ato pa, ma-outlived kita sa kamunggay nga atong gitanom.

Alang niadtong dili makapananom og kamunggay gumikan sa kakulang sa luna, aduna na may gipulbos nga dahon sa kamunggay, gisulod sa gagmay nga plastic nga garapa, o capsule.

Credit:
https://www.philstar.com/banat/opinyon/2017/07/13/1719336/ang-kamunggay
SENIOR CITIZEN – Antolin dela Serna (Banat) – July 13, 2017 – 4:00pm

Close Menu