Kamunggay: Pangontra sa Daghang Sakit

Ang kamunggay mahimo usab nga itanom sa kaang.

GINAINGON nga ang kamunggay usa ka milagrosong tanom tungod kay daghan kinig ikatabang sa tawo.

Ang kamunggay usa ka kasarangang tanom sa kabalayan sa among lalawigan sa Bohol. Kini ang labing kinaham nga utanon sa mga Bol- anon. Apan bisan pa sa kayano niini nga utanon, giila kini nga superfood ug abunda sa mga nutrina ug mineral.

Segun pa sa Moringaling Philippines Foundation, Inc. ( MPFI), ang moringa oleifera, scientific name sa kamunggay, nakaplagan nga pito ka pilo nga abunda sa Bitamina C kaysa orange,

tulo ka pilo nga daghan og potassium kaysa saging, upat ka pilo nga hupong sa Bitamina A kaysa carrots, duha ka pilo ang protina ug upat ka pilo nga daghan og calcium kaysa gatas.

Dugang niini, ang kamunggay napamatud- an nga daghan og mga benepisyo ug gamit sa atong panglawas sama sa:

• Pagpaubos sa lebel sa asukal sa dugo sa mga diyabetiko

• Pangontra sa malnutrisyon

• Pangontra sa impeksiyon, bakterya ug punggus • Pangontra sa kanser

• Pangontra sa pagpanghupong nga may kalambigitan sa reyuma ug artraytis

• Pagprodyus og daghang gatas alang sa pagpasuso

• Pagpalig- on sa immune system

• Pagpahiuli sa kondisyon sa panit

• Pagpawala sa sakit sa ulo

• Pagpalig- on sa mga masel sa mata

• Pangsanta sa pagsanay sa mga parasitiko ug pagpatay sa

Ang kamunggay nakaplagan nga pito ka pilo nga abunda sa Bitamina C kaysa orange, tulo ka pilo nga daghan og potassium kaysa saging, upat ka pilo nga hupong sa Bitamina A kaysa carrots, ug upat ka pilo nga daghan og calcium kaysa gatas.

mga bitok

• Pagpadaghan ug pagpatabunok sa semilya ni manoy

• Pagparelaks ug natural nga abag aron makakuha og maayong katulog

• Pagtambal sa komun nga sip- on, hilanat ug asma

• Pagpaalim sa ulser

• Panghinlo sa hugaw nga tubig

• Pagpaayo sa reyuma

• Pagpabalanse sa lebel sa kolesterol sa lawas Ug daghan pang uban. Ang kamunggay mahimong lutoon o kaonon nga hilaw, paughon ang mga dahon, pulboson kini pinaagi sa blender ug idugang sa pagkaon o juice. Kon kapoyan ka nga mohimo niini, naay mapalit nga powder, tea ug kapsula.

Sa ahong kabahin nga dunay acute gastric ulcer ug GERD, dunay asthma ug nagpaingon sa pagka diyabetiko, mas kinaham naho nga ikonsumo ang presko nga dahon. Matag buntag human makainom og duha ka baso nga tubig gikan sa pagmata, magkuha kog usa ka palwa sa kamunggay, hugasan ug haroson ang mga dahon. Aho kining usapon, tunlon ang duga ug sapal niini, isip hulip sa mahal nga Pantoprazole. Kini ang matag adlaw nahong ginahimo tunga o usa ka oras sa dili pa mokaon. Kaluoy sa Dios, nakatabang og dako ang kamunggay nga moarang- arang ang ahong panglawas.

Sa daghang higayon, ang kamunggay nahimong salbador sa panahon nga atakehon ko sa asthma ug dili na magsalig kanunay sa nebulizer. Ako usab nga madali nga ikonsumo ang kamunggay kon maglisod kog ginhawa tungod sa dili maayong sirkulasyon sa dugo sa hataas nga paglingkod atubangan sa kompyuter. Hinuon, bisan og daghag benepisyo ang kamunggay, duna usay dili maayong epekto niini.

Likayan lang nga dili mokonsumo sa dalid ug root extracts sa kamunggay o kaha sa pagsahog niini sa atong pagpangluto. Ang gamot god sa kamunggay nagbaton og spirochin, usa ka alkaloid nga makaingon sa delikado nga nerve paralysis. Dili usab angay nga mokonsumo og kamunggay ang mga buntis, ilabi na sa dalid, panit ug buwak niini kay delikado nga malaglag ang gisabak.

Sa kinatibuk- an, ang kamunggay akong napamatud- an nga dakog ikatabang sa panglawas ug maayong pangontra sa mga balatian.—

Credit:
https://www.pressreader.com/philippines/bisaya/20180411/281874413977268
Bisaya11 Apr 2018Ni ELEAZAR TUTOR ACAMPADO

Close Menu